مقالات الرأي

وهج الكلم  د حسن التجاني يكتب في حاجة غلط… والله جد..!!

 

 

* علي اي حال من الاحوال تسير الاحوال في معركة الكرامة علي حد تقديرنا بتقدير جيد.

* قواتنا المسلحة وقواتنا الخاصة تبلي بلاءا حسنا وتحتسب الشهداء من شباب الوطن الخلص وكله لاجل كرامة السودان وعزته..وما برحت تدفع بالغالي والنفيس.

* لا نشك لحظة ولو غفوة ان بين قواتنا المسلحة وطنيون

يعشقون تراب هذا الوطن وانهم بقاتلون بعقيدة ثابتة وصلدة …ان الوطن اولا واننا لا نبدله ولا نخذله ولن نتراخي في الدفاع عنه وحمايته وهكذا لسان حالهم يقول.

* تشهد الخرطوم يوميا معاركا طاحنة لقواتنا المسلحة وقتل بالجملة للجنجوبد المرتزقة ونسمع بانسحابات وتحرير ام درمان القديمة والجيش متقدم كل يوم ولكن لم تتم فرحتنا بالنصر والانتصارات الا وتطل عليك الاخبار المباشرة وغيرها بان الجنجويد ما زالوا موجودين بالطرقات والارتكازات وفي منازل (البشر) سكنا…(دي مصيبة شنو يا اخوانا اللمت فينا دي….) علي كل حال في حاجة غلط…بالتأكيد الحصاد اليومي لارواح هؤلاء المرتزقة يجب ان يكون كافيا علي الاقل لانحسارهم وضعف حيلتهم وقوتهم….وفجأة يظهرون

اما ان الجنجويد لديهم معسكرات في مكان ما تورد لهم هؤلاؤ القتلة الفجرة …يوميا واما ان حدود ولاية الخرطوم مفتوحة ….طيب الطيران موجود والاستخبارات موجودة…..اذا في حاجة غلط.

* مهما كان عدد هؤلاء المرتزقة يجب ان تكون هذه الايام نهابتهم تماما ولكنهم يهاجمون في عدة جهات وباسلحة حديثة حتي انهم لا يجيدون استخدامها اذا الجنجوبد تساندهم الطوابير من الداخل…وكيف يعلم المرتزقة بمواقع قواتنا ويصلونها وبهاجمونها ومعظمهم من غير السودانيين الذين لا يعرفون حتي شارع الستين ..اذا في حاجة غلط.

* الجيش السوداني علي وعي عملياتي عالي جدا …والمرتزقة تدريبهم ناقص يموتون كالجراد …ولكنهم في تزايد لم يمر يوم علي المعركة الا وهناك حصاد بالكوم لجثث الجنجوبد المرتزقة …ولكنهم موجودين …اذا في حاجة غلط.

* ثمانية اشهر ومازال الجنجويد موجودين وقد انتهت صدمة الجيش تماما

والجيش يطحن ويدحر ولكنه لا يرتكز اذا في حاجة غلط.

* الجيش شغال ويلقي سندا عاليا من الشعب داخليا وإشادات لتميزه عالميا و لم يكتمل الفرح بالخلاص ويظهر الجنجويد فجأة وبكميات اذا في حاجة غلط.

* الجيش يحصد كميات من الاسلحة حديثة من الجنجويد وعربات وعتاد وووو ويهلك غالبيتهم ولكنهم يظهرون ويهجمون

اذا في حاجة غلط.

* كيف يصل هذا السلاح للجنجويد…. والجيش والاستخبارات في كل مكان وفي الولايات يتابعون ويراقبون ؟ اذا في حاجة غلط.

* من اين يأتي هذا السلاح وكيف يصل اليهم وكل المداخل مرصودة ومحروسة من الجيش والقوات الاخري….؟

اذا في حاجة غلط .

* الغلط في كل هذا طول الحدود وضعف المراقبة عليها …بعض الدويلات التي تدعم الجنجوبد بالاسلحة والتي ثبت بالدليل القاطع ذلك لم تتم ادانتها بعد ومازالت سفاراتها وسفراءها هنا… اذا في حاجة غلط .

* الطابور الخامس موجود ومتغلغل هنا وهناك وفي الخارج ايضا ولا سيطرة وحسم له اذا في حاجة غلط.

* عدم الاهتمام بوجود ارتكازات للجيش والقوات الاخري بعد الحسم والتمشيط في المناطق المحررة من وسخ الجنجويد …يطرح سؤال حائر… اذا في حاجة غلط.

* وجود الجنجويد بمنازل (البشر) والصبر عليهم باليقاء فيها يترك سؤال حائر …اذا في حاجة غلط.

سطر فوق العادة:

في حاجة غلط …لكن زول فينا عارفه هي شنو مافي ..

والله جد.

(ان قدر لنا نعود.)

زر الذهاب إلى الأعلى