زاوية خضراء. داؤد ابوكلام داؤد..يكتب الشرقية إنجازات في زمن الحرب
في هذا الصباح الرباح من شهر رمضان المبارك وفي يوم ذكري واقعة بدر الكبري السابع عشر منه جزبتني وشدتني خواطري شرقاً بولاية جنوب كردفان لا أدري .!!؟؟ هل لانه موسم المانجو وما أحلي عصير المانجو في رمضان.!! عموما هي خواطري هذا الصباح قلت امشي أتجول شويه في محليات جنوب كردفان الشرقية الثمانية. وبدأت من هنا قرية طوطاح الحدودية التي تقع ما بين العباسية تقلي وأم روابة. (سامعك تقول جيت بوين ما شغلك). والعباسية تقلي مملكة اسلامية عريقة في تاريخ السودان امتددت من طوطاح حتي كرندي في أقصي الجنوب بمحلية الليري وحدود جنوب السودان عند معبر (الاميرة وليس معبر رفح). سلام علي عمنا مهدي وادي في طوطاح وعلي كل الناس هناك سلام علي المرات وتب الزراف وجبل ابو دوم سلام علي تبسة والقردود والموريب وأم مرح حتي جبل طاسي والسافل عموم قرية ..قرية . يا مرحبا بالعباسية تلقي وأهلها جمعيا وعلي آل المك/جيلي وآدم ام دبالو. وعلي اميرها الاستاذ/احمد منصور جيلي والعمدة/الطاهر منصور والعمدة/الدولتي والعمدة/الزئبق وكل إدارتها الأهلية. وكل الناس فردا فردا. سلام علي معاوية صالح هذا الشاب الهمام. مروراً بسوق الجبل ناس العسل والطماطم والبهائم و(عرق الكيل المر دواء الملاريا ووجع البطن ) وكل تفاتيف الخريف ناس عيش الريف دووول وناس التبش.؟؟ سلام علي ناس الكجاكجة خلف الجبال ديلاااك. سلااااام علي ناس الرشاد احفاد الرشيد وسلام علي هواءها ونسيمها العليل سلااااام علي اصدقائي ابراهيم الخليل وسامية الباشا والرضية سلام علي الجوافة والقشطة والمشغلوات اليدويه والتراثيه وانت طالع بهناك نلوح غربا لناس الفيض وما جاورها من ام برمبيطة وابوكرشولا وخور الدليب يا سلااااام عليك يا تجملا واخي علي عبدالحي كم أهداني كراتيين المانجو حياك الله يا تاندق يا جميلة يا حديقة .!؟ يا هلا بابي جبيهة حجير العمدة. حباب الإدارة الاهلية ناس كنانة واولاد حميد والكواهلة وكل الناس بلا فرز سلام علي المرأة . راوية كمال عبدالكريم وهويدا محمد احمد فروة وبت الكمالي وكل الناشطات منهن يضيق المجال لذكرهن سلااااام علي السراجية وصديقي (ريقن ) وابونوارة وحبيبي الحاج جاد كريم سلام أحبابي في (كاو نارو ) والفنقر وقريض كم احبكم يا عمالقة (قطر وسلامي ) تحياتي ياكاكا التجارية في الحدود الجنوبية ويا سلام علي الحميض ومناجم الذهب وبهناك ام دحليب بلد اللوقان والقاضي عبدالرحمن ادريس. وندخل كلوقي بلاد ناس آل قدوم وآدم الفكي والقطن الناصع البياض قصير التيلة يا نوبا. سلااااام علي المرأة الامة/فاطمة البدري لها الرحمة ولزوجها الامير الراحل/بقادي. الله ما حضرك ما فعلة بعض الحوازمة اهلك في كردفان يندي له الجبين . يا أمير الحوازمة الحكيم. حبي ومودتي لآل العمدة/ بوش في قدير التاريخ وجبل الماسة ومعركة الشلالي ورابحة الكنانية سلام علي ناس مندي وتيرة والقائد/موسي كجو نتو. معتمد ابي جبيهة زمن السلام. يا للقيادة في (قرية ويرني) تسلم البطن الجابتك يا محمود حسيب الاداري والعسكري الفز. يا هلا بتلودي مديرية جبال النوبا العسل وآل شمشم وابورفاس. سلام علي سجن تلودي الذي سجن فيه جدي المك/داؤد بخيت ظلماً زمن الانجليز. حباب الليري جبل ابكريس(كمل نومك ) سلام علي المك كبانقوا( حلة كوكو الحاج يوسف). سلام علي (لونو ) أرض الذهب و (كرندي) حيث العسل ولحم الصيد ناس ابو شوك وجداد الوادي والكوير سلااااام علي الجنرالات. المقبول هجام والرحيمة وبوش والمرحوم امسح. وكل الناس الحلوين في الشرقية ما نسيتكم جايكم راجع المره الجاية. ونعود تاني العباسية تقلي ونمشي جنوبا بلاد الترتر ووكرة ومحلية التضامن رقم صعوبت الخيران ونقف مع الرجل الهمام المدير التنفيذي/فيصل مأمون فرج الله الذي فقدته محلية هبيلا وبكت علية بالدموع وأركان حربة من اللجنة الامنية والشباب والإدارة الاهلية ودورهم فى رتق النسيج الإجتماعي والتوجه نحو التنمية والإعمار وفعلوا ما لم يفعله غيرهم بهذه المحلية الوليدة ذات المستقبل الزاهر في مجالات الزراعة والبنك الزراعي والصيانات في المؤسسات التعليمة والخدمية والصحية والقانونية وعربات الاجهزة الامنية وتفعيل الرياضة سلااااام علي اهل التضامن وصديقي ابونخل(اوعك من سمك كوستي ).والأستاذ/الجيلي عبدالباقي وصديق الشيخ. وغيرهم من الأحباب الكرام سلام علي جبل المقينص والصيد النافر. وتعظيم سلام علي قائد الفرقة الشرقية العميد/عبدالعزيز سكر شتت. وانتصاراته في العباسية تقلي وكل الشرقية ويمتد التعظيم لسعادة العميد/صديق الجيلي قائد ثاني الفرقة الخامسة مشاة واخيراً نقول لوالي جنوب كردفان سعادة/ إبراهيم عبدالكريم جيب اضانك نهمس ليك انصحك خلي في كادقلي نائبك الجديد الاستاذ/جابر الباشا دلدوم وقائد الفرقة اللواء/فيصل مختار السائر وامشي الشرقية ودير الولاية من هناك في هذا الظرف التاريخي الحرج ولو داير خريطة سريه توصلك الشرقية برسمها لك. ولكن لو وقعته في يد الحركة الشعبية ومسكتك شيل شيلتك (إني بريئ منك اني صائم ههههه ). لكم العتبي أحبابي في الشرقية المساحة لاتكفي لما يكنه قلبي لكم من حب .؟؟ سلااااام علي فيصل مأمون فرج الله وإنجازاته في زمن الحرب رغم كل الظروف ويمتد السلام علي كل المدراء التنفيذين ولجان الامن بالشرقية
المك/داؤد ابوكلام داؤد. مدير عيون التلال الاعلامي. ٢٧ مارس ٢٠٣٤ الاربعاء