مقالات الرأي

زاوية خضراء.  بقلم: داؤد ابوكلام داؤد  جبال النوبا وجوبا أجل غير مسمى.؟!

 

 

كلنا نلاحظ في القنوات الفضائيه والأخبار فجأه يجيك شريط او عنوان كبير باللون الأحمر الخطر (عاجل) يعني موضوع مهم وجدير بالمتابعة مثلا تحطم طائرة الرئيس الإيراني وموته ووزير خارجيه أمس بالتأكيد خبر عاجل ومهم لكل العالم وليس إيران فقط. ؟؟ أما لو قال ليك (أجل غير مسمي ) اول شي لو كنت حامل ها يجيك إجهاض ولو عندك سكري تجيك كومه ولو عندك ضغط ها يصيبك شلل.!!! يعني خبر كسلان جاي وره واحتمال ما يجي ذاتووو وهو عنوان لعدم البشري والتفاؤل والاحباط وضبابية الرؤيا وهذا يتعب الطيارين والكباتن في الهبوط والإقلاع مما يجعل الطائرة معرضة للدمار والتحطم تماما ؟؟ وممكن الناس كلها تمووووت ما هو ذيوو وذي الموت الجماعي بالجوع عندما نترك امر القيادة في جبال النوبا (للحلو وعمار امون دلدم). في السابع والعشرون من أبريل ٢٠٢٤ جاءت اخبار غير مؤكده باتفاق الحلو والقوات المسلحة (وأظنها كانت كذبة أبريل). ويومها قلت في سري كن ده كلامك يا الحلو أتفقنا وسنقف معك وندعمك و سندافع عنك بالاقلام.؟؟؟ وبتاريخ السبت ٤ مايو فجأه ظهر الكباشي والحلو في جوبا بحضور الرئيس سلفاكير ومستشاره الأمني توت قلواك !!؟؟ وتاني مسكت القلم وقلت اكتب. ( الكباشي والحلو يا أجمل الحلوين). وتاني قلت هووووي يا ابوكلام اصبر شويه وخلي اللفافه والعواطف..جوبا دي فيها الانواع الممتازة من الوسكي وكل أنواع الشراب الأفرنجي أحتمال يكون كلام (سكرانيين ساي ). ويوم الاثنين ٦ مايو ٢٠٢٤ عاد الكباشي الي بورتسودان. بعد توقيع اتفاق العمل الإنساني مع الحلو.؟؟؟ وفي يوم الاثتين ١٣ مايو٢٠٢٤ غادر الوفد الرسمي والشعبي الاهلي بورتسودان متوجها الي جوبا بقياده وزير الدفاع/ يسن إبراهيم والأمير الدكتور/حسن عبدالحميد. ونائبه المك/ عدلان النيل الأزرق وفيما بعد لحق بهم سعادة الكباشي عضو السيادي ونائب القائد العام للقوات المسلحة وبدأت الجلسات التفاوضيه بينهما وتسربت هنا وهناك انباء بنجاحها وفشلها تارة أخري؟؟!! وفي يوم السبت ١٨ مايو ٢٠٢٤ الكباشي قال لا نمانع في إيصال المساعدات الإنسانية الي بقية الولايات التي تشهد اوصاع مماثلة حالما توفرت الضمانات والتدابير التي تضمن سلامة العاملين في المنظمات الإنسانية (كبش يا لغة عربية يا نظيفه من اصلوا ). وطبعا ناس الحركة الشعبية بقيادة الحلو. قالوا. لازم . لازم نوصل الإغاثة لكل السودان طبعا ده كلام ( وهمه شكل قلبه) عامل فيها إنسان قومي خالص وكده وهو مهموم بتحرير السودان؟؟؟ وهنا فرح أعداء جبال النوبا من الخونه والمارقيين من الشيوعيين وقحت وتقزم ومن لف لفهم من الجنجويد ومليشيا الدعم السريع. عليهم اللعنه وكل غضب جبال النوبا والنيل الأزرق. وبعد داااك طلع قمر ضلمان الناطق باسم الحركه الشعبية شن هجوما علي الدكتور والأمير/حسن عبدالحميد. رئيس الوفد الاهلي والشعبي وقال كلامه عن الاتفاق .. خارم بارم ..شارم ؟؟ وفجأه وفي خبر عاجل يوم الأحد ١٩ مايو ٢٠٢٤ علمنا اخيراً بفشل المفاوضات وأكدها الاستاذ والزميل الصحفي/يوسف عبد المنان..عضو الوفد.؟؟ وقبلها يوم السبت ١٨ مايو..ظهر الحلو في نيروبي بكينيا ووقع إعلان نيروبي ومعه عبدالواحد نور بتاع دارفور (كلهم ام الكلب بعشوم). وزولنا بتاع الدبيبات الحيران حمدوك ؟؟؟ بحضور الرئيس الكيني وليام ريتو وكلكم رأيتم صورهم الأربعه إذا رأيتهم ثم رأيتهم. تجد العنوان (أجل غير مسمي). عبدالعزيز الحلو لابس طاقيته المعروفه عنوان الشؤوووم علي جبال النوبا وقافل البدله بكل الزراير ؟؟!! (بكون شارب موية الدهب وخايف علي بطنوا تطرشك من الشبع والنوبا جعانين ) أما الرئيس الكيني وليام ..لابس لبسه صفراء ذي بقرت إسرائيل (وتحت تحت قاعد يقول اضربوهم ببعضهم) .وحمدوك لابس كرفته حمراء (الله يستر الشورت ما يكون احمر). وفي بطنوا كل أنواع الطعام والشراب المر والحامض. ؟؟ أما مستر محمد نور (نو..نو) فاكي الزراير بتاعت البدله للنهاية عامل فيها الود مفتح وشماسي جاي من فرنسا وكده.؟؟ وكلهم لابسين جزم سوداء !!؟ وثلاته منهم سود ؟؟؟ ياساده يا هو ده السودان وأيامه السود. ؟؟؟ ونقول للشامتين علي تعليق المفاوضات الي أجل غير مسمي. حتي يموووت مواطني جبال النوبا والنيل الأزرق..عموما مباحثات الكباشي والحلو والجوع. عنوان بارز لازدواجية وفشل حكومة جنوب السودان ومن خلفها الأيادي الخارجية ؟؟ !! ويا مريم يا بتول يا أوشي رئيس منتدي توحيد قيادات ونشطاء جبال النوبا ؟؟ هل الحلو مع جبال النوبا ولا مع الخيانه؟؟!! وهل عمار امون دلدم امين عام الحركة الشعبية جناح الحلو الرجل الضعيف صاحب الدم التقيل؟؟!! جدير بقيادة الوفد ؟؟؟ قال رفع وتأجيل المفاوضات لأجل غير مسمي !!! ناس عجم ما عارفيين كلمة أجل غير مسمي ذاتووووو.؟؟

 

المك/داؤد ابوكلام داؤد. مدير مركز عيون التلال الاعلامي الإثنين ٢٠ مايو ٢٠٢٤

زر الذهاب إلى الأعلى