ناهد قرناص تكتب … عندي كلمة احب اقولها 

بمناسبة المعركة الاسفيرية الدائرة حاليا حول اصل الحضارة في وادي النيل ..والافروسنتريك..وناس كوش وكل واحد يشد من جهة ..وانا شخصيا ما عارفة ليه الافروسنتريك رافضين ان حضارة وادي النيل تكون مصرية مع ان مصر في أفريقيا..وليه المصريين رافضين اي حضارة تاني في وادي النيل وبقللوا من قيمة حضارة كوش مع ان النيل طويل والدنيا واسعة ..وليه ناس كوش رافضين قبول حضارة مصر العليا مع ان التاريخ يثبت ذلك ..يعني الكل ممكن يكون صح على قول جحا ..

المهم ..دا مش غرض البوست ..لكن وسط كل هذا الزخم ..والعواصف والجنون ..اذا بابن العم خالد بيرمkhalid Khaled Biram ينزل استوري فيها شخص جميل من جنوب السودان يقول فيه ان ادم عليه السلام ابو البشر كان من قبيلة الدينكا..وانه كان طويلا لدرجة الخطوة من قدمه تعادل كيلومتر

أها

اخد المعركة في مكان مختلف ..شفتوا كيف؟؟؟

..حينها جالت بخاطري تلك الطرفة المعروفة عن بلدياتي عندما قيل له ان اهل حلفا..نص ديانة ..وفي رواية اخرى دينهم خفيف ..

غضب حينها قريبنا وقال كيف تقولوا كدا ..نحن مسلمين ..وقبل الإسلام كنا مسيحيين وقبل المسيحية كنا يهود وقبل اليهودية كنا ملة ابراهيم ..وقبل كدا (اوو نورا مسو) ..يعني كنا آلهة..ماهو امون رع دا كان من اندينا

المهم تفاصيل قولي والمجمل ..(تلك أمة قد خلت) ..خلونا في الحاضر ..الناس وصلت المريخ ونحن لانزال نقول كان ابي وكان جدي

# ليس لها من دون الله كاشفة