أعمدة الرأي
زاد إهتمامك بقلم : سامح محمد إسحق
زاد إهتمامك فجأة بي
و بقيت كتير تسأل علي
و شايف جمالك زاد جمال
مخصوص بقيت بتبينو لي
و بقيت كتير بضبط عنيك
مختلسة نظراتك إلي
خليتني محتار في سؤال
معقول يكون اُغرمت بي ؟
و قليبك القاسي العنيد
فتَّح صدود ابوابو لي
خليك واضح بالتمام
بدِّل ظلامات ظني ضي
قول ليَّا صرِّح يا جميل
خليني افرح يا ظُبي
بوح بيهو لو بالجد هو ريد
غرام و حب ارويني ري
أديني من حنّك حنان
أشفيني من وجعي العلي
أطفيها نيران شوقي ليك
خلِّيها تتهجَّد عِني
أملاني بالحب اليقين
ستفني ريد خليني حي
#سامح