منوعات
خليل فتحي يكتب رمضان هنا
وكل المواجع ممكنة
وكل الالم اتخطي عهد الازمنة
رمضان هنا لا لقمة
لا موية عصير
لا كسرة لا تمرات عديل
رمضان هنا
كل الهموم اترادمت
كل الخطوط اتصادمت
احكو لي ….وين وطني الكبير
عايشين خيالات للموات
وضرانا عماهو السكات
لاونسه عن الامنيات
غير…. الزول دا فات ….
والزول دامات
والكان قبيل شيمتو الثبات
قالولنا…جنة وطشه فااااات
ونزحنا في كل البلاد
راجين كرم رب العباد
وكل لحظة زايدين البعاد
راجين سماع الزول دا صاد
وحياتنا ماليها السهاد
رمضان هنا
مازي زمان
لافرحة لا ناسا حنان
والناس بتحكي عن الكان
والجاي اصعب من زمان.
رمضان هنا
الرحمة من ربي الكريم
يتغير الحال للنعيم
ونحنا لله مسلمين
ويرجع السودان امين
ياربي نفرح اجمعين
خليل فتحي 🖋️
كوستي اول ايام شهر رمضان
١٤٤٥