ضرب واهرب ..عبدالمنعم شجرابي يكتب درهم الحظ
*** الخبر ليس في ( ركوع ) الجنيه أمام الدولار الخبر ( الحزين ) في تراجع الجنيه السوداني مقابل عملة وسط وشرق أفريقيا
( والله يجازي الكان السبب )
*** لعب أمام النجم الساحلي ذهاباً ( بقنطار الشطارة ) وافتقد ( درهم الحظ ) والهلال مطالب باللعب إياباً ( بقنطارين تلاتة ) من الشطارة ليعوض درهم الحظ الذي ( خرج ولم يعد ) منذ تأسيس النادي
و( يا جامع يا رقيب )
*** مع حرب الموت والدمار وحرب الملاريا وحرب الباعوض بالعاصمة الجديدة ها هي المواد الغذائية ( المنتهية الصلاحية ) تشعل حرباً أخرى على ( المواطن الغلبان ) وتعظيم سلام لشرطة المكافحة التي وضعت يدها على ( آلة وآليات ) هذه الحرب ( القذرة )
*** اسمحوا لي ( بعد المشيئة ) بتناول يومي لشخصية ( تستحق ) وطبيعي أن يكون الأول ( كبير العائلة الرياضية ) د.شداد الذي أعطى لاعباً ومدرباً وصحفياً وإدارياً وحاضر أولمبياً وإضافة لترأسه الاتحاد السوداني أخذ موقعه قارياً ودولياً ( ومهنياً ) تربع على كرسي الفلسفة بجامعة الخرطوم ( ومجتمعياً ) كان حاضراً
أبوريان متعك الله بالصحة والعافية
*** توقفت الحياة تماماً في هذا ( الكوكب ) وحتى الأقلام الحمراء لم تعد تكتب عن المريخ
( وبعدين !!؟؟ )
*** الزول ده يرخي اضانو معاكم وبالاضان التانية يسمع لآخرين .. الزول ده واقف معاكم ويعاين بعيد .. الزول ده يمشي وسطكم وفجأة تلقوهو مافيش الزول ده أمرو يحير شديد
*** كثيراً ما يواجه لاعب الهلال بوغبا انتقادات حادة والكثيرون يطالبون ابعاده من التشكيلة وللتذكير ( فاللاعب ده ) لاعب المدرب ( وفي الحتة دي ) المدرب عليه بلاعبه والمهام المكلف بها
( وما عندو بيكم شغلة )
*** يجتهد السلطان برقو في إطفاء الحرائق المشتعلة ( في الفارغة ) بين قادة اتحاد الكرة ومع الأمنيات له بالتوفيق إلا أنه لا ولن ينجح في إصلاح ما أفسده ( دهر ) المصالح الشخصية المتضاربة و( يا السلطان شوف غيرها )
عبدالمنعم شجرابي ..