زاوية خضراء. بقلم: داؤد أبوكلام داؤد ولماذا يتحدث الرئيس البشير أخي عبدالماجد.
بالأمس يوم الاثنين الثلاثين من يونيو ٢٠٢٥ مرت الذكري السادسة والثلاثون (٣٦) من إندلاع ثورة الإنقاذ الوطني بقيادة العميد الركن/عمر حسن احمد البشير ونائبه الشهيد/الزبير محمد صالح وأعضاء مجلس ثورثه المعروفيين في ذاك التاريخ التليد. ؟! كنت خامل وزاهد وقرفان وزهجان وما عندي حتي نيه في الكتابه عن ذكراها وذكري الخائنين .؟؟؟ ولكن مررت علي ما كتبه زميلي وصديقي وجاري في المكتب عبدالماجد عبدالحميد باتحاد الصحفيين السودانيين ورئيس تحرير جريدة مصادر وانا من أسرة تحريرها ومن المؤسسيين فيها .؟ كتب تحت عنوان( فليتحدث البشير وليصمت الخونه ). طبعا هو عارف الخونه ناس فلان وفلان كن في مصر ولا تركيا دي ما شغلتي هههه (الحلوف وكلابه ) . نحن صابنها في السودان ومفلسين ومرتاحين وكتر خير (العدس) سترنا وحفظ ارواحنا. ؟؟؟ المهم هاجت وماجت خواطري حول هذا العنوان وعبدالماجد عبدالحميد شايفوا الأيام دي برمي في حجارة كبيرة وضخمة كأنها من جبل الدائر أو جبل مره..!؟ ويرمي بها في بركة السياسية السودانية الساكنة (منذ اعتقالة في القضارف من قبل جهاز الأمن حتي حديثة عن تعين وزيراً للخارجية جاء به اسمه ساتي وهناك الكثير المثير من كتابات حبيبي مجيدي الساخنه) . والبعض يصفها بالخائنه والبعض يصفة بالباحث عن الوزارة الإعلامية مع جلالة دولة رئيس الوزراء كامل ادريس عريس موسم السياسة السودانية في هذه الأيام الخريفيه الممطره ذات البروق البرآقه والصواعق القاتله.؟؟؟ ومجيدي كما اعرفه عنيد شديد المراس صعب الترويض كثير الجفلان لا يتزحزح عن موافقه بسهوله. ولايخشي في قول الحق لومة لائم ولا طرطشت اي خائن. ؟؟؟
عموماً والمهم في الأمر ونحن في الذكري (٣٦) للانقاذ من فجر الجمعة ٣٠ يونيو ١٩٨٩. كنت يومها طالباً في المرحلة الثانوية شاب وسيم الطلعة كأنني القمر في ليلة (١٤). كنت قادما من نهر النيل مدينة عطبرة عبر القطار فجر الخميس ٢٩ يونيو ١٩٨٩ يعني قبل ساعات الصفر بساعات معدودات شفت كيف وعمرالبشير تحرك من كادقلي قبل أيام مرورا بالأبيض؟؟؟ ناس طير في عالم السياسه يفهموكم كيف هههههه. كنا قبل عطبرة في بلاد الشوايقة منطقة جلاس والكرفاب(حلت ناس عمك/ علي عثمان محمد طه ) وبعدها عطبرة عاصمة الحديد والنار اخدنا تدريب في الورشة الميكانيكية للقطارات لان تخصصنا في المجال الفني بالمركز الأفريقي كان ميكانيكا السيارات. ؟؟ وكنا نازلين بالمدرسة الصناعية تحت الكبري وصارت اليوم كلية الهندسة في عهد الإنقاذ. ؟؟؟ ويوم الخميس داك كنت بايت مع عمي/محمود أبوكلام بخيت (حزب أمة علي السكين ) يحب الصادق المهدي ومعجب به إيما إعجاب. ؟؟؟ كان ذلك في الثورة القلعة شمال العاشرة محطة المهداوي جوار كبري شمبات الماشي الكلية الحربية وقاعدة وادي سيدنا العسكرية وفي صباح الجمعة شفنا ليك العساكر قافلين كبري شمبات وسمعنا موسيقي عسكرية في إذاعة أم درمان وعرفنا بأن هناك إنقلاب بقيادة العميد/عمر حسن احمد البشير وقال ترقبوا البيان وجابوا ليك صورت عمك لابس عميد مغبش جاي من كادقلي وما جوارها من ميوم بجنوب السودان وتأخر البيان كثيرا حتي مل الناس وآخر زول ظهر من الانقلابين كان العميد/إبراهيم نايل أيدام مسؤل الأمن لدي الصادق المهدي( طبعا عمي محمود ابوكلام ساكت ساكت وبعدها طبعا قالوا الصادق المهدي كان في حفله زواج ولبس هدوم النسوان واتخارج هههه) طبعا كان الوضع العام في السودان اسوأ من سئي.؟! وكل زول في الوقت داك كان بتمني قيام إنقلاب ويفرتك ويشتت حكومة الصادق المهدي الفاشلة.؟؟ وكان قبلها محاولة من حزب البعث لكن فشلت؟؟؟ كانت الفوضي عمت السودان والنهب وصل نهاراً جهاراً سوق ام درمان قلع عديل مافي هيبة دولة.؟؟؟؟ لذلك وجد انقلاب الانقاذ تاييداً جماهيرياً منقطع النظير لهذه الظروف !!! ماعدي حزب الأمة والاتحاد الديمقراطي وغيرهم من المنتفعين بالديمقراطية المهدية الفاشلة بقيادة الصادق المهدي والذي فشل للمرة الثانية كرئيس لوزراء السودان بعد مؤامرته علي السيد/ محمد احمد محجوب هذا الرجل الثقافة والمفكر العظيم صاحب كتاب الديمقراطية في الميزان. ؟؟؟ نعود للانقاذ كان لها ما لها من إنجازات وإخفاقات واختلاف ووفاق وحرب وسلام .؟؟؟؟ وتلاشت بعد ثلاثين عاماً بصورة لم يتوقعها الأعداء حتي قبل الاصدقاء (ولكنه هو ملك الله نزعه عندما شاء ). وأكلت ثورة الانقاذ بنيها واطاحت بقائد ركبها(عمر البشير) ورمت به في غياهب السجون (وأقبل القوم بعضهم يتلاومون). وجاء علي لسان رئيس شوري الوطني عثمان يوسف كبر (رئيس الا شبر طبعاً هو رجل داهية من دواهي الانقاذ ودواهي دارفور) قال بأنه اي ما جري إنقلاب كامل دبرته اللجنة الامنيه.!!؟؟ والبعض يقول دبره البشير نفسة مع القيادات العسكرية بن عوف والبرهان ومجموعته. ؟؟؟ والله يا اخي وصديقي عبدالماجد عبدالحميد انت داير الرئيس البشير يفضح الخونه. ؟؟ في اعتقادك لكن في تقديري لن يتحدث البشير وسيظل صامت.!؟ ( وهسي ربما قاعد يطلع علي كل الواتساب والفيس والراديو والتلفزيون وشايف اي حاجه قدامة) وتحت تحت قاعد يقول في نفسه بالله شوف ( اولاد الحرام الكلاب ديل الخونه ناس ما بتختشي بعرفهم واحد واحد المعفنين تف علي وشكم .؟؟ لكن صبركم يوم فضيحتكم جاي جاي.!! هههه ) وربما عمر البشير هسي قاعد يكتب في مذكراته ويوثق للخونه واحد ..واحد. ؟؟ وربما يكون الكتاب تحت الطبع وبعدها جاهز للتوزيع والنشر . لكن نصيحتي سعادة الرئيس البشير خليك ساكت واقفل خشمك وألبس كمامه واقفل نخرتك من عفن الخونه وناكري الجميل هذه هي صفات السودانيين بياعين ومصلحجيه وكسارين تلج؟؟ ولو شاكي في كلامي ده هسي اعمل أنقلاب تاني وتعال شوف كثير الثلج يا قائد الصمود ويا بطل ويا صنديد وأسد الكداد ودار جعل وكلام بالشكل ده. ؟؟؟ وفي ناس واحدين هاااااا يكملوا البامبرس من الطمام ووجع البطن وكل الضبوب والحشرات تدخل جحورها بما فيهم حميدتي زولك بتاع مليشيا الجنجويد طبعاً متابع الحاصل والفلم بتاع فرتيك الخرطوم عاصمة البلاد. وخراب القصر الجمهوري ؟؟؟
المك/داؤد ابوكلام داؤد
مدير مركز عيون التلال الاعلامي
. شاهد عصر من بداية الانقاذ حتي النهاية المؤلمه. الثلاثاء الموافق ١/٧/٢٠٢٥