من القلب الي القلب .. محمد طه محمد عبدالله يكتب ،، جماعه انا بوصف الشفتو .. رسالة شكر للإعلاميين عيون الحفل ولسانو
يا جماعة لو دايرين نعرف قيمة الليلة دي شوفو وقفة الإعلاميين..والله وقفة رجال وقفة تاريخية ما خلو شاردة ولا واردة الا ووثقوها الصحفيين
والإعلاميين والمصورين
وأصحاب القنوات والصفحات ورؤساء تحرير الصحف والمراسلين وأهل البث المباشر وأهل الكلمة والصورة كلهم كانو على قلب رجل واحد كاميراتهم ما وقفت أقلامهم ما جفت وصوتهم وصل لكل بيت.
*وكان حضور خاص ومشرف للقنوات*
قناة النيل الأزرق وقناة السودان الفضائيه وقناة الخرطوم وقناة الخليل وسونا للانباء القنوات دي ما قصرت نقلت الحدث بكل تفاصيل وصورت الفرحة ووصلت الصورة لكل بيت في السودان وبرة السودان هم النقلو الصورة للعالم هم الخلّو الليلة دي تصل لكل زول ما قدر يحضر هم الكتبو التاريخ بي حروف من نور..أهلنا قالو الكلمة سيف وانتو والله سيوفكم كانت سيوف حق كتبتو بصدق ونقلتو بأمانة ورفعتو الحفل فوق لولاكم ما كان الناس عرفت عظمة الليلة دي لولاكم ما كان الفرحة دي وصلت بيوت الناس انتو عيون الحفل ولسانو وذاكرتو.
*أما استقبال الضيوف فده كان حكاية تانية*
من تدخل من الباب بتحس بالهيبة وبتحس بالتراب استقبال يفتح النفس استقبال يليق بالضيوف استقبلو الضيوف بالشاشة وبالكرم وبالحفاوة كل ضيف لقى محلو كل ضيف لقى احترام كل ضيف حس انو هو سيد الليلة سفراء وقناصل ورجال سياسة وأهلنا الأشقاء السعوديين ووجهاء من كل الولايات كلهم اتكرمو كلهم اتقدرو كلهم طلعو مجبورين الخاطر.
*وتكريمهم كان تكريم يليق بيهم*
ما كان تكريم ساي كان تكريم بمحبة تكريم بوفاء تكريم يقول ليهم انتو تعبتو انتو ساهمتو انتو تستاهل شكرا ليكم شكر خاص شكرا لي كل قلم كتب وشكرا لي كل كاميرا صورت وشكرا لي كل صوت وصل وشكرا لي كل يد استقبلت وشكرا لي كل يد كرمت انتو رفعتو راسنا وشرفتو الليلة وخليتوها ليلة ما بتنسي.
*وهذه الرسالة على عجالة ساي*
ولسه حأكتب بالتفصيل عن كل اسم عشان أدي كل زول حقو..شكرا للإعلاميين الأبطال شكرا لأهل الاستقبال والتكريم شكرا من القلب للقلب.
*محمدطه محمد عبدالله*