منوعات
الشاعر عبداللطيف محمد يكتب العيد ده مالو كدي
العيد دا مالو كدي؟
انا تب مسيخ عندي
من نار فراق ولدي
ومن حال علي بلدي
وين القي عاد سعدي
لون الحياه الوردي
اسود صبح ابدي
اتمني عيد الناس
مايبقي زي عيدي
عيدي الملان احزان
زايد علي نكدي
الصابني باخلاي
تب مايصيب بعدي
في يوم صباح العيد
مالي الدموع خدي
عارف دموعي انا
ياخلا مابتجدي
لكن اسوي شنو
قايلنو بي يدي
ليه انتو تبكو معاي
خلوني تب وحدي
اصحابي حزنو شديد
والله ماقصدي
خلوني طول الليل
اسهر متل سقدي
واتحمل الاهات
ايام وبتعدي
كلماتي والحان عبداللطيف محمد عبده ابو محمد اداء الفنان علي عبدالعال
