أضرب وأهرب ..عبدالمنعم شجرابي يكتب   شختك بختك

 

*** سودانيون بالسعودية والخليج ما كانوا في مدينة أفلاطون الفاضلة واحترموا أنفسهم وسودانيتهم فكانوا وما زالوا وما برحوا مكان الإحترام وفي هؤلاء ( قدوة حسنة ) لمن دخلوا مصر بسلام آمنين 

*** تباخة .. أم عضام .. الدوحة .. أم دافوق .. أم جريس .. غريقانة .. أزرق ..

السريحة .. تنوب .. فارس .. الكتاب .. أبو عدارة .. مريود

 أسماء لقرى تنطق طيبة وأهلها طيبون ( دنسها ) الدعم السريع ( سارقاً ) ومن الجيش ( هارباً ) وبكذب من مستشاريه عبر الفضائيات

*** الكلام عن مشاركة الهلال والمريخ في الدوري الغاني ( كلام تاني ) ويا ريت ما يكون كلام والسلام

*** موظفون بلا وظائف .. مصرفيون بلا مصارف .. معلمون بلامدارس .. طلاب بلا جامعات والمصيبة الأكبر والأعظم كوادر طبية بلا مستشفيات

*** الزول التزم ولا التزام ..

الزول ده عاهد والعهد غائب ..

الزول ده اتكلم وما سكت ..

الزول ده كضب وكمل الكضب الزول ده مازول

*** صمته عن خروج الهلال أفريقياً غير مبرر فهل فشل فلوران حتى في ( فتح خشمو ) هل فشل حتى في الكلام ؟؟

*** جهات رسمية وغير رسمية ( شختك بختك ) تقدر أضرار الحرب ب140 مليار دولار ( وماعرفش ) كيف وما أعرفه أن خسائر قطاع غزة قدرت ب450 مليار دولار قابلة للزيادة 

*** صاحب الخيال الواسع وهو يقف أمام السباق سأل

الناس ديل جارين ليه ؟؟

  ^^ الاول بيدوهو جايزة

طيب الباقين جارين ليه ؟؟

هذه النكتة وبشئ من الخيال ( غير الواسع ) تجعلني اسأل الهلال غادر البطولة الباقين لاعبين ليه ؟؟

*** امتداداً لحكام لنا كانوا في قمة النزاهة 

امتداد لحكام لنا حكموا بالعدل امتداد لحكام حكموا بالضمير

تم اختياره لتحكيم نهائيات كأس العالم القادمة ونثق أن حكمنا محمود شانتير سيكون أباً لميلاد حكام يبسطون العدل والنزاهة

( والعقبى للسياسيين )

عبدالمنعم شجرابي ..