منوعات
الشوق وطن … كلمات : د.عبد العظيم اكول
متابعه : المغيرة بكري
“الشوق وطن ”
انا من سكات
وحنين هديك الامسيات
ضاعت اماني هواي سدا
عدا الزمان خلاني فات
انا تبت من سفر الشجون
الفرحة ماشة علينا جات
اسرجت شوقي علي السحاب
الكون بشوفو سراب سراب
سالت دموعي كتير علي
دفقت مويتي علي الرهاب
وين الاهل وين البيوت
حتي القمر في سمانا غاب
وبديت افكر كيف نكون
وكيف انقفل قدامنا باب
لازلت اذكر موج وقيف
لما الفراش بهجة بيطوف
ريحة المطر والجو رذاذ
والناس عزاز رغم الظروف
الطيبة والحلوين ملاذ
نحنا الكرام نحيا ونشوف
عايزين نعود مالينا شوق
لا اهة لا يلازمنا خوف
نزرع وطن مليان حنان
الايد في ايد بنهد جبال
عارفين يمين وطنك ضراك
والله فيه الموت حلال
مانحنا من زمنا بعيد
القال بفوتك ده المحال
تلقانا زي علمك شموخ
دايما اسود اولاد رجال