زاوية خضراء. بقلم: داؤد أبوكلام داؤد وعليكم السلام يا سعادة البرهان
سعادة البرهان قائد السياده وقائد الجيش السوداني العظيم و الفريد في عصره.!! الذي حقق الانتصار المستحيل ومازال ينتصر.!؟ وسينتصر بإذن الفرد الصمد وينشر السلام في كل ربوع السودان !!! البرهان هذا اللغز المحير.؟! كيف يفكر. ؟ ومع من بفكر؟ ومن هو؟ وكيف وصل الي هنا.؟؟ ءآهو الملك الإلهي أعطاه إياه وحماه ؟؟؟ كما يدعي البرهان نفسه حسب روايته.؟؟؟ أم جاء عبر التراتيبيه العسكريه المعروفه في قياده الجيش السوداني. ؟ أنا كتبت كثيراً عن البرهان لكن شايفوا ما شغال بي الشغله.!! بطرقتك يوم تفتشني ما تلقاني ههههه. اااي كن عجبكم وانا واثق من نفسي. ؟؟؟ كتبت عن البرهان في أبريل ٢٠٢٥ وآخر زاوية خضراء كتبتها عن البرهان كانت بعنوان البرهان من كنقوا حرازا وقوز بيضاء الي مكة المكرمة. بتاريخ السبت ٢٩ رمضان ١٤٤٦ه الموافق ٢٩ مارس ٢٠٢٥ وشايف قبل كم يوم ضجه ذي ضجه قالوا عمك مرق في بلد الخواجات وقابل الأمريكان (سعد بولس كبير مستشاري الرئيس ترمب ) في جنيفا بسويسرا البارده المجمده وذلك في شأن يتعلق بالحرب والسلام في السودان ..طبعا عمك كامل ادريس دولة رئيس الوزراء عارف سويسرا شارع شارع.. وانا ذاتي عارف بيتك بتاع حي الإمارات بالخرطوم وسكنت فيه مع صحبي الأردني المرحوم/ شلاش.. خلي بالك يا كامل ادريس لمن ننتهي من البرهان ونقبل ليك.؟؟!! انا هسي مصاب بالملاريا وطريح الفراش وراسي لافي وبشوف طشاش طشاش . برضوا سمعت خطاب البرهان امس بمناسبة عيد الجيش ( ٧١ ) القاه من أمام قلعة الحضارة النوبيه الكوشيه سيدة حضارات أفريقيا والعالم بالمصورات والبجراوية حيث مدافن جدودي ملوك النوبا العظماء يرقدون في سعادة وينتظرون قيام القيامة وهم كامل الراحه النفسية والاطمئنان بأن السودان محروس بجيش احفادهم العظماء وهم ساس الجيش رمات الحدق في الماض والحاضر والمستقبل. ؟؟!!! وبهذه المناسبة السعيده إزجي عظيم إمتناني لقوات شعبنا المسلحه وكل القوات السودانية بتشكيلاتها المختلفه بعيدهم المئه من التأسيس وال(٧١) بعد السودنه أنتم قواتنا وحماتنا ونحن الشعب من خلفكم وامامكم وعن يمينكم وشمالكم ونحيط بكم من كل جانب بعد الله.. (قال حكومة تاسيس قال بسم الله ذي ما قال وزير الدفاع داؤد كبرون حكومة علي ورق ..).. بالأمس القريب من يوم الجمعة رأيت البرهان في رهيد النوبا يعني ما رهد كبير ذي الرهد ابودكنه المسكين ماسكنه بل هو رهيد صغير حتي من رهيد البردي.. وقصتي مع رهيد النوبا قبل الحرب تحركت من ام درمان حي الأمراء في طريقي الي كردفان مدينة الأبيض بشارع الصادرات التي عبرها صدرت مليشيا الجنجويد كل منهوبات الخرطوم الي دول الجوار غرباً.؟؟؟ وكنت يومها لوحدي في سيارتي توقفت برهيد النوبا للحمامات وتوضأت واثناءه دردشته ةمع احد الشاب قلت له لماذا سميت رهيد النوبا. قال ولم يرف له جفن( عشان كان فيها ذكر كتير بالنوبا ). قلت له يازول خلي بالك وبطل التزوير ديل ملوك النوبا لمن جو ماشين من الشمال الي كردفان في الزمن داك قعدو هنا محل الموية دي وهسي امشي شوف آبار الحجارة وبيوت الحجارة والرسومات في الجدران علي شكل رأس الكبش يا كبابيش هوووي تره.؟؟؟ .المهم واصلت مشواري عابراً كما عبر أجدادي من قبل. ؟؟ وأنت يا سعادة البرهان كونك تقول لناس كردفان من بوابة رهيد النوبا. السلام عليكم نحن باسم ملوك ومكوك وعمد ونظار وامراء وشيوخ كردفان نقول لك وعليك السلام ورحمة الله وبركاته. حبابك الف في بوابة الحضارات ومفتاح النصر وكلمة بارا نوبية وكردفان نوبيه محل ما تمشي يالبرهان تلقي النوبا شندي نوبية وكلي نوبية وحتي توتي نوبيه بالخرطوم وحتي حلتكم (قنتو ) نوبيه سيك سيك معلق فيك. ؟؟؟ تمشي مننا وين شايفك مافكرته تعرس من النوبا ناس زنوبا بطرقتك الله ما اداك الحنان الدفاق. ؟؟؟؟ نحن النوبا سر أسرار السودان. أنا لو لقيت طريقه ودخلته بالتلفون لصحبك ونائبك سعادة/ (كبش) شمس الدين الشفت الزفت المفتح كان سلمت عليهو باللغة النوبيا واخليهوا يضحك لمن يتشنقل علي قفاهوا..؟؟؟ وأقول لسعادة/ ياسر العطاء خلي بالك من كتائب الجن ديل اولادي تذكر يوم كنا معاك في كادقلي ال (٣٥) ضباط قوات السلام.. هسي ما نفعوك كلام القصير بجي وره ؟؟ . يا سعادة البرهان واحد من ناسك اظنه في الاستخبارات قال لي انت داير من عمك البرهان ده شنو بالضبط. كل مره تكتب فيهو وتقول كمان ( ده عامل ذي حيوان ابودربان عيونوا صغار وكمان بن كلب.) قلت له يا أخ بحبوا عندك مانع عاجباني عيونوا وخدودو وبسمته المكاره الحقاره بحب بحتوا وصوته السلس الهادي.؟؟؟ وكمان شنبوا والطاقية العجيبه كانه (المانجل ) وعاجبني فنلته والطمنجه بالجمبه وبعرف بنشن وبضرب في الهدف. وكن داير بختها ليك في اي مكان .؟؟؟ يا أخي الحب قسمه ونصيب وكمان قدر من الله. ناس بتدخل في شئون الحب ؟؟؟ المهم في الختام يا سعادة البرهان أنا زمان رجعت من أمام بوابة القيادة العامة مفروض اقابل القائد العام لكن قعته في حجر كده بره في الشارع وفكرته وقدرته وشتته.؟ قلته امشي اكمل الجامعة اولاً أظنها الدفعه (٤١) هسي احتمال عمداء او لواءات لو داير السودان ده يمشي عديل رجعني ولحقني دفعتي بعد داك تشوف بنفسك السودان يمشي ذي الخيط ولو كمان خايف اعمل فيك إنقلاب.؟؟ كمان الخواف ربي عيالوا بطريقتك هههه ؟؟!!! الداير يضحك يضحك لكن ده كلامي أنا المك/ أبوكلام. ؟؟ اللهم عجل بالنصر وبالفرج علي أهل السودان وفك حصار الفاشر وبابنوسة وكادقلي والدلنج وهبيلا وان يعود كل نازح ومهاجر الي منزله وتقبل الله شهداء الوطن وشفاء عاجل للجرحي وفك الله أسر الماسورين وكل عام وقواتنا وشعبنا في إزدهار وتقدم ورقي ؟
المك/داؤد ابوكلام داؤد. السبت الموافق ١٦ أغسطس ٢٠٢٥