السفير دكتور معاوية التوم يكتب (مدحة شافي السقام)

 

 

يا غافر الذنوب طبي

أدعوك تحل كربي

وتزين برضاك دربي

….

ندعوك يا اله الكون

بالعاديات وطه ونون

امنحني الرضا المامون

وشافيها السقام ربي

…..

حمدا ليك رب الناس

ياك كافي الشرور والبأس

وردك لي ملاذ وأساس

وفي الباقيات أجد طربي

……

سيد المرسلين ذخري

وبصحابتو طاب دهري

ارقى وما اكون وخري

وفي الفايزين دوام سربي

،،،،،،،

انظم في مدايحو اشيد

سهما في المعاني فريد

سيد الروضة ليك مريد

أقبل مني ياك حبي

…..

ربي كاشف الاسرار

ناجيتك صباح ونهار

ننجى من لهيب النار

وبالطاعات انول أربي

…….

ربي اشفيني من سقمي

لي أبريني زيح ألمي

بهديك صحاح قلمي

أهنا وفي الحلال شربي

…….

برقك زارني بالاسحار

سهد عيني جوة أنار

طوّف بيا شفت مزار

الفي طيبة هم صحبي

…..

صل يا فالق الاصباح

عد من طافو او ما لاح

نورا في سماك أشاح

ود التوم حفي بقربي

…..

ياشافي السقام ولطيف

عبدك رام قبابو مصيف

ديم عافيتو ليو وقييف

وعند القوم ركن حربي

…..

السفير.د معاوية التوم

١٨ أغسطس ٢٠٢٥