مقتطفات الجمعة.. عبد المنعم شجرابي .. يكتب ..  سيد نفسك مين أسيادك

••• العواصم ( فجورها ) أكبر من ( تقواها ) العواصم ( ببلاويها ) عطبرة القوية ( لينة ) .. الشديدة ( هينة ) .. الصلبة ( مرنة ) عطبرة تكفيها السكة حديد فأعيدوها سيرتها الأولى عطبرة ( لا تعصموها ) أبعدوا عنها وأبعدوا عنها المقترح وأتركوا عنها مقترح ( التعصيم ) وخلوها ( زي ما هي )

••• ولي الأمر هو الشخص الذي تطلبه الإدارة إن اخطأت ولا غرابة فولي أمر إسرائيل أمريكا وولي أمر حزب الله إيران والحمدلله فالسودانيون ولي أمر السودان ( سيد نفسك مين اسيادك )

••• حين يضل الأهلي القاهري الطريق إلى منصات التتويج فشكراََ للتحكيم العادل الذي توج الزمالك بطلاََ لأفريقيا ولو كره الكارهون ..

••• قال صديقي خريج ( مدرسة المشاغبين ) في بعض كتاباتك اتأكد أنك عجوز فقلت ضاحكاََ سبقت جيلي لأكون فرداََ في مجموعة الأسود الثقافية لا قائداََ لقطيع النعام

••• ثلاثة مؤتمرات .. المؤتمر الوطني .. المؤتمر الشعبي .. المؤتمر السوداني .. ( ولم ينجح أحد ) ورحم الله الاتحادي والاتحاديين والأمة وأهله

••• باقة ورد للطلاب والطالبات الناجحين في امتحان الشهادة المتوسطة باقة ورد ندية للأمهات ثم الأمهات ثم الأمهات ثم الآباء والأساتذة والمدارس ..

••• سيد اللبن لا زال سيداََ وسيد الدكان قد يكون سيداََ ست الشاي ما عادت ست والأسياد هم الأسياد من السودان إلى موريتانيا ..

••• عبد القادر سالم بارك الله فيك هو الفنان ( العادل ) الذي جعل لكل شاعر حقه في كل أغنية غناها في حفلاته عبدالقادر الخلوق حفظ حقوق الناس ..

••• الكهرباء شوية كده انتظمت وناس الحلة اتفقو يشتغلوا بالعدادات والوليدات يا شدرابي ود خيتي ست الجيل ربنا يحفظهم شغالين ينزلوا الجبادات ..

بت أحمد الخطوة طيبة وده واجب وطني بت أحمد ربنا يحفظك ويملأ جوفك صحة وعافية ..

••• أزور متاجر بيع الطيور والقطط والكلاب بمزاج أتابع ثقافة البائع ورغبة المشتري والدنيا مزاج ..

••• سأل المحاضر الطالبة الجامعية لو الحرب عندكو انتهت هترجعوا السودان؟؟؟ .. قالت: طوالي قال: خليكم معانا انتو منورين مصر قالت: مصر منورة بأهلها نمشي عشان ننور بلدنا ..

يا سلام عليك يا أصيلة وعليك نور ..

••• والأمنية الأمنية نضع ( البندقية ونرفع الطورية ) الأمل في أرض خضراء بلا دماء ..

••• اللهم ارحم والدينا وجميع موتانا واشف مرضانا وعاف مبتلانا وأصلح حالنا وحال بلدنا وأعدنا إليه وأعده إلينا آمناً مطمئناً

عبدالمنعم شجرابي ..