زاوية خضراء  داؤد أبوكلام داؤد  يكتب عبدالعزيز الحلو والنهايات المره

في زاويتي الخضراء بتاريخ ٢١ نوفمبر ٢٠٢٣ ذكرت فيها ما كتبته قبل ثلاثه سنوات من هذا التاريخ زاوية بعنوان ( جبال النوبا ما بين حميدتي والحلو). الوقت داك كان حميدتي رجل الدولة الثاني دهب ومال ورجال ولكننا كتبنا وقتها رغم سلطانه وماله وهيلمانه. وكانت مشكلة لقاوة في العام ٢٠٢٣ سيدة الموقف ذاااك الوقت وتوزعت الإتهامات مابين حميدتي والحلو أعداء الامس أصدقاء اليوم ؟؟؟ ومررت سريعا علي إتفاق سويسرا الخاص بجبال النوبا بداية الالفينيات وحتي إتفاق السلام الشامل في العام ٢٠٠٥ مرورا باندلاع الحرب في جبال النوبا مره أخري في ستة. ستة.العام ٢٠١١ وكان الوالي وقتها مولانا / احمد هارون ونائبه/ عبدالعزيز الحلو..خلوا بالكم كويس يا نوبا ؟؟؟ وما زال مسلسل الحرب والنزوح واللجو والشهداء والجرحي والمفقودين والجوع وقفل الطرقات مستمر لم يتوقف. ؟! وتحدثت عن أثر أحداث دارفور تاريخياً في جبال النوبا منذ دولة المسبعات والمهدية ممثلة في عبدالله التعايشي وتكلمت عن ولات دارفور الذين حكموا جنوب كردفان حتي تاريخ الوقت الحاضر. ؟؟ وكيف أن الحلو تسلق السلطة بعد وفاة القائد/ يوسف كوة مكي .وكيف ان حركات دارفور بعد أن كادت تمووووت تم نفخ الروح فيها من جديد في كاودة بجبال النوبا ولا خلاص نسيتوا يا ( مالك عقار. وجبريل ومناوي وسلوي بنيه يا الجبهةالثورية ). ؟؟؟ وحتي حميدتي حاول يدخل جبال النوبه بعد قوز دنقوا لكنه خرج يجرجر زيول الهزيمه عندما كانت الحركة الشعبية ذات معني وكانت تمثل جبال النوبا. رغم أنهم يقلون باننا حركة قومية تمثل كل السودان ؟؟؟ وكيف رأينا مره أخري ( الحلو وحميدتي يتعانقون في جوبا ) طبعا لو سألتهم يقولوا ليك ما كان زول المؤتمر الوطني كيييه كده فيهم بس نحن نحب حميدتي. ( طبعا الحركة الشعبية جنها حاكوا.. حاكوا ..ما عارف شنو كده….؟.. جداده…؟؟ هههه ) وقلت وقتها أن الحلو وحميدتي كلامها لم يدخل الكلية الحربية السودانية وإن كان الحلو تدرج في التعليم حتي جامعة الخرطوم. وحميدتي والحلو يحبوب الدهب حباً جماً.؟؟ وجنهم جبال.؟؟ جبل عامر. ؟؟ وجبل كاودة. ؟؟؟ ويحبوب الرجال من جبال النوبا يعني نفس أهداف غزو السودان زمن محمد علي باشا وزمن الأتراك وزمن الانجليز وزمن السلطنه الزرقاء وكله ضد النوبا أهل السودان أصحاب الحضارة والتاريخ.؟؟ سامع سامع قاعدين تقولوا تحت تحت بالله المك/ داؤد ده زول كده ؟؟؟ . وفي الوقت داك برضوا بعض رجالات الإدارة الاهلية مشوا قعدوا مع حميدتي. ؟؟ وأنقسم الناس حولهم بين مؤيد ورافض. ؟؟ لأن جرح لقاوة كان مازال نازفاً.؟! وقلت أصلا جبال النوبا تأتيها المصائب من دار فور حتي المسيرية دخلوا عن طريق دارفور. ؟؟؟ وحزرت أهلنا الحوازمة وقلت لهم الحوازمة حلف وليس قبيلة وحتي النوبا جزء من حلف الحوازمة نحن نعرف التاريخ جيداً ؟؟ عموماً ما زالت أحداث جبال النوبا مستمره ولم تتوقف بعد.؟؟!! وكلنا رأي مؤخراً التحالف بين الحركة الشعبية ومليشيا الجنجويد وقلت لكم اي حاجه يسوي المؤتمر الوطني تسوي الحركة الشعبية بس مديدة حرقتني ( يعني كلنا بلابل دوح السودان السياسي جنس حاكوا..حاكوا.يتساككوا ذي الديك والجداده. ). كان تاريخ الحلو ناصعاً وسط جماهير الحركة الشعبية بجبال النوبا وكان حلواً ومحبوباً وكان..وكان..وكان. بعد وفاة الزعيم / يوسف كوه مكي..لكن شوية شويه بدأ يتفرعن كاد يقول أنا ربكم الاعلي حتي صار صنماً يعبد مثل صنم (هبل).وطرد كل قيادات النوبا التاريخية من الحركة الشعبية وعلي رأسهم القائد/تلفون كوكو وغيره تعرفونهم فرداً فرداً. ؟؟ واخيراً تحالف مع مليشيا الجنجويد حتي حكومة تأسيس وجاء القائد/جقود مرادا حاكم لجبال النوبا وكيف رأينا الاحتفالات في محافظة ام الدورين منقطة(ام دولوا) في إطار الحاكوا حاكوا. و إطار الدراهم المعدوده البخسه واحد قال لي الحلوده زول زكي جدا بمقلب ليك الجنجويد ؟؟؟ ولكن كما ذكرت لكم لابد أن نرجع ونربط التاريخ والأحداث مع بعضها. ؟؟ قلت لكم الحلو وحميدتي كلهم من دارفور ومن وراء دافور قطعوا وادي وخور كجا.. (والبرهان كان قاعد في الخور ده بعرفوا كويس ) ؟؟ لان جزور الحلو من مساليت تشاد وليس مساليت السودان وحميدتي من عرب تشاد وكلهم مولود في تشاد صرطهم مقطوعة هناك.؟؟ هم أجانب ولو رجعنا لوره شوية قالوا جايين من الجزيرة العربية حميدتي من عرب جهينة بني العباس وبعض المساليت يقول هم بني اميه يعني الاثنين (قريش ) يا نوبا ياطير فهمتوا ؟؟ بجاي وووب وبجاي ووبين هههه اخير منهم الجعلين والشوايقة اولاد اخواتنا لكن نكرونا حطب ( وشالوا حكمنا بالتوريث بظام الخال عندنا في ممالك النوبا حتي كلمة المك نمر حقت النوبا ). أما نوبا الشمال موضوعنا معاكم ده خاصا جداً يا بياعيين شينا منكم ؟؟؟. وأكبر مشكلة تواجهة السودان اليوم منذ التآمر علي الممالك النوبية الكوشية بتاريخها الناصع في عمق الحضارة الإنسانية هم دخلول العرب السودان وقيام السلطنة الزرقاء وممكلة الفونج وتحالف عمارة دنقس وعبد الله جماع وكلهم يدعي عمارة دقنس قال من بنو امية وجماع قال جعلي عباسي وبرضوا قالوا من (قريش ). ههههه هم مش احسن ليهم يرجعوا مكه ويمشي يشربوا موية زمزم. ( ويتفاكرو مع آل سعود هناك). ونحن في التاريخ رأيناهم كيف تقاتلوا ما بينهم والغريبة بدخول العرب السودان بقوا عاملين فيها اخوان ( هوووي تره انتو قايلين نحن النوبا ما نعرف تاريخ نحن خوالكم واخوان امهاتكم ذاتوو كلام فارغ هههه ) وأكبر محدد للأمن القومي السوداني اليوم بعد حرب مليشيا الجنجويد القاتله الضاره السامه.؟؟ هم من يدعون عروبة السودان ولو جبنا فتاشه ذي حقت (العتالة) لفحص الشوالات من ذرة ودخن وقمح وفحصنا شفاهم الغليظه وانوفهم الفطساء سنري العجب العجاب..؟؟!! ما تقول لي شعري ناعم..؟؟ يعني فايت شعر الخواجات والهنود. ؟؟؟ هسي كلكلم ارجعوا لتاريخ العرب في السودان للمؤلف الانجليزي ( هارولد مكمايكل ) سوف تري العجب العجاب والتزوير زمن ممكلة الفونج والسلطنة الزرقاء. في ناس نجارين للانساب بس ورررررر.. طق طرق..يربطك للعباس عم الرسول ؟؟؟ الجعلين بما فيهم شايق جد الشوايقه ديل مش جدودكم. سمرة وسميرة ومسمار وسرار وكردم والديس وكدو وكتي ده جد الكتياب وبالنوبية تعني الركبة وكدو الجبل وشندي السوق (هوووي نحن خوالكم يا اولاد بطلوا اللعب ). عموما حديث تاريخ السودان مثل الشمس والقمر في سماء الحضارة السودانية من آلاف السنين لكن المثل قال(جاء وره وحجز الضره واللقمه الكبيره تخنق وتقتل عديييل) يا هو هسي كلنا جرينا خلينا الخرطوم ذي سوبا جدودنا النوبا جرو زمااااان خلوها. ؟؟ هسي الجري حار ولا بارد احسن نرجع ونقطع دابر كل شي يحدد وحدة وأمن واستقرار السودان تحت رأية قوات شعبنا المسلحة القومية ونكون جيش واحد وشعب واحد ونقفل الباب الغربي تحديدا باب تشاد الذي يتسلل منه كل حاقد علي السودان واهله وأمنه القومي. وللحلو نقول له لو لسع راكب راسك ولا صحي سحبته ناسك من الفاشر سوف تكون نهياتك مره. وغدا لناظره قريب ؟؟؟

المك/داؤد أبوكلام داؤد

مدير مركز عيون التلال الاعلامي.الجمعة العاشر من أكتوبر ٢٠٢٥